Saturday, February 21, 2015

Kid's Pool Party

Parang kailan lang.


May simpleng handaan. Pool party daw! Bakit hindi?

Kung imposible man ang magpagawa ng swimming pool o di kaya ay ang magdaos ng kasayahan sa isang pool resort, e magagawan ito ng paraan.

Maraming salamat sa ideyang ito. Sobrang saya at tuwa ang ibinigay nito sa mga bata.

Panatilihin mo sana ang iyong mga ngiti dahil kaming magulang mo
ay hindi nagsasawa na panuorin ka.


Thursday, January 15, 2015

Traveling Kid - Kumpirmado

Sa loob lamang ng isang buwang bakasyon, apat na malalayong bayan ang aming napuntahan. 

Pinayuhan kami na limitahan ang paggala kapag may kasamang bata. Naninibago pa kasi sa lugar ang anak namin. Ang abilidad ng matatanda na umayon nang mabilisan sa klima at panahon ng isang lugar ay malamang hindi kaya ng bata.

At sa halip na purong pagsasaya sa aming mga napuntahang lugar ang maramdaman ay nahaluan ito ng pag-aalala. Lagi kaming may baon na gamot. Hindi kasi maiwasan na magkaroon ng sipon o di kaya sinat lalo na sa gabi. Ang paggala namin ay naayon sa kalagayan ng bata. Hindi kami makapagsimula nang maaga o pahabain ang gala sa gabi dahil ang oras ng bata ang sinusunod

Hindi na kami nakakasali sa mga "group tour". Kami mismo, isang pamilya, ay matatawag na isang grupo. May mga pangangailangan na hindi maintindihan ng mga nagsosolo sa buhay.

1st Week: Bare foot walking in Gumasa Beach, Sarangani Province.

2nd Week: Landed safely and took picture of Mactan Bridge in Mactan, Cebu.

3rd Week: Visited nature beauty of natural Lake Sebu in South Cotabato.

4th Week: Hopped in the paradise island of Camiguin.