A Life's Vision

 June 30, 2006,  Bataan.

Katulad ng pangarap ng isang makipot na ilog,

Na ang tanging hangad ay marating ang bughaw na dagat.

Malalim man o mababaw ang problemang makakaharap,

Ito'y makakaraos at makahanap ng lusot

Upang agos ay malaya at DESTINASYON ay maabot!

Sa lahat ng pagsubok, sa Panginoon ako'y yayapos.

Mga pansamantalang bagay, tanging sa Kanya ko iaalay.

Kahit aking kahilingan, pangarap at tagumpay,

"Salamat" ay di sapat sa Kanya'y maibigay.

Ang pag-aagusan ko'y may mapiling kasama.

Karamay sa habambuhay, sa hirap man o ginhawa.

Magsisilbing inspirasyon at mapag-arugang ina,

Sukli ko'y pagmamahal at responsableng asawa.

Sa aming mga anak na lalaking mapagmahal,

Aking sisikapin at buong pusong ibibigay,

Mga pangangailangang materyal man o emosyunal,

Upang ako'y maipagmalaki at inyong tularan.

At sa lahat ng taong aking nakilala,

Kapamilya, kaibigan o sa trabaho ay kasama,

Aking pipilitin na sa inyo'y magpakilala,

Mapagkumbaba na may kabutihang dala.