Malakas na Bata

 Malakas si baby.

"Very good si Kajlil!"

Natanggal ang kanyang pusod pagkatapos ng isang linggo. Hindi na rin siya iyakin sa gabi. Maliban lamang kung basa at gutom. Panay siya tulog at kadalasang ginigising ng mommy niya para magpadede. Di na hinihintay na magising at umiyak.

Dalawang linggo pa lamang siya pero naibiyahe na siya sa DFA para mag-apply ng passport. Kinaya ang tatlong oras na layo at init ng siyudad. Siguro, para siyang dinuduyan habang tinatahak ang bako-bakong kalsada mula sa bayan. Walang dalang stroller kaya halos isang araw siyang karga ng mommy niya.

Di pa siya nakakakita pero sumusunod na ang mga mata niya. Nakakapag eye contact na ito kapag kinakausap. Di na rin siya umiiyak kung pinapaliguan. Araw-araw kasing naliligo dahil pawisin. Di na raw amoy baby kapag di nakapaligo.

Masusulyapan na rin si baby na nakangiti lalo na kapag natutulog. Marami na siguro siyang naipon na mga memories kaya napapanaginipan.

"One week lang naging baby si Kajlil!"

Mabilis siyang nagmature. Halos apat na kilo na ito. Malaki siya sa kanyang edad. Nakakangalay na sa kamay kapag matagal na binubuhat. At ayon sa new born pre-screening ng hospital, normal baby si Kajlil.

Malaking tulong ang maaga naming nalaman ang pagbubuntis ni Misis. Malaking tulong ang mga bitamina, ang gatas, at ang tamang pagkain kaya naging malusog at malakas si baby.

Babies Expressions

Mula sa paglabas hanggang sa mga sumunod na araw, inaalam namin kung anong mga parte ng mga katawan ni baby ang kanyang namana mula sa amin.

Nakakatuwang isipin na nagpaparamihan kami ni Misis kung sino ba ang mas higit na kawangis ng baby. Yung mga katangian na tanging kami lang ang nakakaalam. "Kapag kamukha ng kapitbahay ay ibang usapan na iyan"! Ito ay joke lang!

Malakas umiyak si baby. Nakakabulahaw ng kapitbahay. Saan pa ba magmamana? May mga pinsan siyang ganyan. Di ko alam baka ako rin nung baby pa ay ganito rin.

Nalaman kong halos lahat ay nakuha niya sa akin. Ang kasarian, hugis ng kuko, ang bibig, ang pisngi, at ang kalakihan ng butas ng ilong. Matatagal ang mga buhay namin dahil marami kaming hangin na masisinghot!

                                                             Bagong paligo si Kajlil!

Nahihirapan pa rin si Misis sa paiba ibang attitude ni baby. Araw-araw ay nag-iiba. May araw na iyakin, may araw na gusto niyang binubuhat siya, at may araw na panay tulog. Pati si Misis di pa nakakaadjust kaya laging nasa state of emergency siya. Iyong sitwasyon na kailangang bilisan ang pagliligo dahil umiiyak iyong anak mo. Iyong kailangan mong magising kahit gusto mo pang matulog dahil nagugutom ang anak. Lahat ng hirap ay mararanasan pa ni Misis dahil siya ay isang INA.