Bagong Pediatrician. Isang Syrian national si Doki. Magaling, dahil hindi siya nalito sa mga dosage na naibigay na kay baby habang nasa Pinas.
Nasa Pinas, ang immunization dosage ay ibinibigay kada 6, 10, at 14 weeks. Graduate na sana si baby kung nagkataon. Samantalang dito sa Saudi ay kada 2, 4, 6 months.
Sobrang dikit ang bigayan ng vaccine sa Pinas, ang sabi ni Doki!
Tapos na ni baby ang 2nd dosage sa Pinas noong 10 weeks pa lang siya at ang next dosage ay sa pang-anim na buwan pa!
Best pic so far. Mahiyain kasi kapag alam niyang may kumukuha ng larawan.
Maraming bagong skills si baby bago tumuntong ng 4 months. ( Acquired 2 weeks before 4 months).
Una, ang dumapa. Ang bilis nang dumapa at nakakatulog na rin siya sa ganung posisyon.
Pangalawa, maingay na! Sobrang sakit sa tenga kapag nakasigaw. Lalo na sa umaga. Napakaganda ng mood niya! Nakatihaya, dadapa kahit nakapikit pa, ngingiti kahit nakapikit, didilat, tatawa, sisigaw! Ang morning wake up routine niya!
Pangatlo, bumubukas na ang kamay niya. Nakokontrol na rin niya ang kanyang mga kamay. Hindi katulad dati na di niya alam kung saan dadapo ang kanyang kamao. Umaakma na rin niyang abutin ang bibig at ilong ng kumakarga.
Pang-apat, magalaw na siya! Parang orasan sa higaan. Halos sakupin ang lahat ng lugar!
At panghuli, nagkaroon na ng ugali! Umiiyak na kapag alam niyang di siya pinapansin. Nagfinger sucking para makahugot ng atensiyon. Iyakin na! Lalong lalo na kapag inaantok.
Beating his empty milk can, para maging drummer!
May bago pala siyang kakilala sa bahay, maliban sa amin na parent niya. Tuwang tuwa siya sa sarili niya!
Mirror Reflection
